Ang Angat (pagbigkas: ang•gát) ay isa sa mga 21 bayan kasama ang tatlong lungsod na bumubuo sa lalawigan ng Bulakan. Ang hangganan ng Angat sa hilaga ay ang bayan ng San Rafael, sa hilagang-kanluran ang bayan ng Doña Remedios Trinidad,sa hilagang-silangan ang bayan ng Baliuag, sa silangan ang bayan ng Bustos, sa timog ang bayan ng Norzagaray, at sa timog-silangan ang mga bayan ng Pandi at Santa Maria. Ayon sa senso ng 2020, ito ay may populasyon na 65,617 sa may 16,554 na kabahayan. Ang Angat ay binubuo ng 16 na barangay.