Katulong at kaagapay ng Pamahalaang Bayan ng Angat sa paghahatid ng serbisyo sa mga Angatenyo ang mahuhusay na mga Local Government Units (LGUs) ng munisipalidad. Sa gabay at pangunguna ng Punong Bayan, ang mga ito ang siyang kumikilos upang ipatupad ang mga programa at proyekto ng bayan na naaayon pa rin sa itinadhana ng Local Government Code. Kaakibat ang mga tanggapan ng national government, tinutugunan ng mga LGUs ang mga pangangailangan ng mga mamamayan gaya ng mga pangunahing serbisyo at pasilidad na dapat ay maayos na naihahatid ng mga pamahalaaang lokal.