Isang masaganang taon ang lumipas para sa ating bayan. Ang 2024 ay naging taon ng pagsusumikap, dedikasyon, at tagumpay para sa bawat Angatenyo. Sama-sama nating napatunayan na ang pagkakaisa at malasakit ay susi sa pag-abot ng mas mataas na pangarap para sa ating komunidad.
Sa taong ito, nakamit natin ang mga makabuluhang parangal na hindi lamang nagbigay-pugay sa ating sipag, kundi nagdala rin ng inspirasyon upang ipagpatuloy ang ating mga adhikain. Ang lahat ng ito ay bunga ng sama-samang pagkilos para sa progreso ng Angat.
Hindi rin matatawaran ang mga karangalang natamo natin — mga pagkilalang nagpatunay na ang Angat ay isang bayang may puso, husay, at malasakit. Salamat sa dedikasyon ng ating mga lingkod-bayan, sa sipag ng ating mga kawani, at sa tiwalang ibinibigay ng bawat Angatenyo.
Habang nalampasan natin ang mga hamon ng 2024, harapin natin ang 2025 na may mas matatag na pananampalataya at mas matayog na pangarap. Sama-sama, ipagpatuloy natin ang kwento ng tagumpay at pag-asa, ang kwento ng #AsensoAtReporma
.png)
Comments