Sa ilalim ng pamamahala ni Municipal Nutrition Action Officer (MNAO) Jessica Villarama, matagumpay na isinagawa ang Culminating Activity ng Nutrition Month 2024 sa Municipal Evacuation Center. Ang aktibidad na ito ay may temang “Sa PPAN sama-sama sa Nutrisyong Sapat para sa lahat.”
Ipinamalas ng mga kalahok ang kanilang husay sa pamamagitan ng poster making at pagluluto ng kanilang mga recipe na gumagamit ng mga sangkap na inaani sa bayan ng Angat. Layunin ng programa na itaas ang kamalayan at pagpapahalaga sa tamang nutrisyon para sa mga mamamayang Angateño.
Ang kaganapang ito ay nagbigay-diin sa kahalagahan ng wastong nutrisyon at sama-samang pagkilos upang matiyak na sapat ang nutrisyon ng bawat isa sa komunidad.
.png)
Comments