DOLE, Nagbigay ng P500,000 Tulong Sa Local n Pamahalaan ng Angat Para sa Proyekto ng Paggawa ng Waterlily Handicrafts

Nagkaloob ang Department of Labor and Employment (DOLE) ng halagang P500,000 sa lokal na pamahalaan ng Angat, Bulacan para sa Waterlily Handicraft Project. Sa proyektong ito, 25 na indibidwal mula sa komunidad ng pangisdaan sa Angat (Donacion at Niugan) ang makikinabang. Isa sa mga direktang pakinabang ng mga mangingisda ay ang pagbawas ng problema sa mga water hyacinth na nakabara sa kanilang mga palaisdaan. Ang proyektong ito ay naglalayon din na gawing kapaki-pakinabang na mga produkto ang mga water hyacinth upang gawing kapakipakinabang na kagamitan tulad ng bag, banig, at basket na maaaring ibenta at magpakilala sa ating bayan mula sa mga produktong magagawa dito.