Upang masolusyunan ang problema sa daloy ng trapiko sa Angat, isinulong ang institusyonalisasyon ng Traffic Management Unit (TMU), kasabay ng pagtatalaga ng mga maaasahang traffic enforcers na sumailalim sa tamang pagsasanay. Ang proyektong ito ay naglalayong magbigay ng mas maayos at episyenteng pamamahala sa trapiko, na tumutugon sa pangangailangan ng mga motorista at commuters sa bayan.
Ang TMU ay binuo bilang isang dedikadong yunit na responsable sa pang-araw-araw na operasyon ng traffic management, kabilang ang:
-Pagbabantay sa mga pangunahing lansangan at intersection;
-Pagpapatupad ng mga batas-trapiko;
-Pagbibigay ng tulong sa mga motorista sa oras ng aberya o sakuna.
Upang masigurong epektibo ang kanilang tungkulin, isinailalim ang mga traffic enforcers sa masusing pagsasanay na tumutok sa:
-Pagpapabuti ng komunikasyon at interaksyon sa mga motorista;
-Pagsunod sa ethical standards ng public service;
-Tamang paggamit ng traffic signals at equipment.
Bukod dito, nilinaw ang mga protocol sa pagtitiket at pagsita upang maiwasan ang abuso at katiwalian. Pinagtibay rin ang transparency sa operasyon ng TMU upang mapanatili ang tiwala ng publiko sa kanilang mga gawain.
Ang pagtatatag ng TMU ay isang hakbang tungo sa mas maayos na daloy ng trapiko at mas mataas na kalidad ng serbisyo publiko. Patuloy tayong magsusumikap na gawing mas episyente at organisado ang ating mga kalsada upang masigurong ligtas at maginhawa ang paglalakbay ng bawat Angatenyo. #AsensoAtReporma
.png)
댓글