Sa kabila ng masamang panahon na ating nararanasan nitong mga nakakaraang araw, personal na binisita ng ating Punong Bayan Reynante "Jowar" S. Bautista, katuwang sina Kon. William Vergel De Dios at Kon. Darwin Calderon ang mga kababayan nating inilikas mula sa ilang barangay na naapektuhan ng patuloy na pagtaas ng tubig sa mga mabababang lugar. Sinikap ng ating Punong Bayan na ligtas na mailikas ang ating mga kababayan na naninirahan malapit sa ilog nang sa gayon ay maiwasan ang sakuna.
Nasa mahigit 192 na indibidwal ang matagumpay na nailikas sa ating Municipal Evacuation Center kung saan sila ay mabibigyan ng maayos na tutulugan at pangunahing mga pangangailangan. Katuwang dito ang ating MDRRMO Carlos R. Rivera Jr., MWSDO Menchie M. Bollas, Lucille Venturina, Jeremy Mariano at Angat PNP.
Sa kahit anong panahon na kinakailangan ng ating mga kababayan, handa ang ating Pamahalaang Bayan ng Angat sa pangunguna ng ating Punong Bayan Reynante S. Bautista upang mabilisang tugunan ang mga higit na pangangailangan ng ating mga kababayan.
.png)
Comments