Pamamahagi ng PhilHealth Member Data Record/ID sa 688 Mamamayang Angatenyo

Sa ilalim ng pangunguna ng mga kawani ng PhilHealth, matagumpay na naisagawa ang pamamahagi ng PhilHealth Member Data Record/ID’s sa 688 na mamamayang Angatenyo. Bukod dito, ipinaliwanag din ang mga benepisyo at tulong na maaaring makuha ng bawat miyembro ng PhilHealth.

Dinaluhan ito ng ating Punong Bayan Reynante S. Bautista, Pangalawang Punong Bayan Arvin Agustin, mga miyembro ng Sangguniang Bayan, at MHO Dra. Guillerma Bartolome, bilang suporta sa layuning mas mapalapit ang serbisyo ng PhilHealth sa bawat Angatenyo.