Isinagawa sa Angat Municipal Gymnasium ang matagumpay na pamamahagi ng Solo Parent Educational Assistance para sa 150 solo parent mula sa bayan ng Angat. Layunin ng naturang programa na magbigay ng suporta para sa pag-aaral ng mga anak ng mga solo parent, bilang tugon sa pangangailangan ng mga ito.
Pinangunahan ni MSWDO Menchie Bollas, katuwang ang mga kawani mula sa Department of Social Welfare and Development (DSWD), ang nasabing programa. Naging aktibo rin sa programa si Punong Bayan Reynante S. Bautista, Pangalawang Punong Bayan Arvin Agustin, at Kapitan Nerio Valdesco, na nagbigay ng kanilang suporta sa mga benepisyaryo.
Ang Solo Parent Educational Assistance ay isang hakbang ng lokal na pamahalaan upang maibsan ang mga hamon na kinakaharap ng mga solo parent sa pagpapalaki ng kanilang mga anak, lalo na sa aspeto ng edukasyon. Patuloy ang kanilang hangarin na makapagbigay ng ayuda at oportunidad para sa mas magandang kinabukasan ng bawat Angateño.
.png)
Comments