SABADO DE GLORIA: Tahimik na Paghihintay

Ngayong Sabado de Gloria, ang buong Simbahan ay nananatiling tahimik. Walang pagdiriwang, walang awitan… isang sagradong katahimikan habang hinihintay natin ang tagumpay ng muling pagkabuhay.

Ito ang araw ng pananampalatayang walang nakikita, ng pagtitiwala kahit tila wala pang sagot, ng pananalig sa gitna ng kawalan.

Tahimik man ang mundo, kumikilos ang Diyos.

Ang Sabado de Gloria ay paanyaya para sa ating lahat na maghintay nang may pag-asa at maniwala na sa dulo ng bawat dilim, may liwanag na darating.

Panalangin:

Panginoon, sa mga panahong tila tahimik Ka, turuan Mo akong magtiwala. Sa katahimikan ng Sabado de Gloria, palalimin Mo ang aking pananampalataya. Ihanda Mo ang puso ko sa pagsalubong sa Iyong liwanag at tagumpay.