Isinagawa ang Umpukan at Ugnayan (Community Project Monitoring & Assessment) at Konsultasyon, Kalinga, Kape (KKK) People's Day sa Sitio Sentinela, Barangay Pulong Yantok. Pinangunahan ito ni Punong Bayan Reynante S. Bautista kasama si Pangalawang Punong Bayan Arvin Agustin, mga miyembro ng Sangguniang Bayan, at si Bokal Jay De Guzman. Layunin ng programa na personal na kamustahin ang mga residente, bisitahin ang mga isinasagawang proyekto, at maghatid ng iba’t ibang serbisyo sa mamamayan.
Kasama sa mga proyektong binisita ang pagpapasemento ng Barangay Road na naglalayong mapabuti ang daloy ng transportasyon sa lugar. Bukod dito, nagbigay rin ang lokal na pamahalaan ng mahahalagang serbisyo tulad ng:
- MOBILE BOTIKA
- PHILHEALTH REGISTRATION
- PNEUMONIA VACCINE
- MEDICAL ASSISTIVE DEVICE
- AICS
- SENIOR CITIZEN'S ID
- PWD ID
- SOLO PARENT'S ID
- JOB & LIVELIHOOD SEEKERS' CORNER
- MOBILE PRINTING SERVICE
- PSA Document Certificate Application (Birth, Marriage, Cenomar, etc.)
Nagpapasalamat ang pamahalaang bayan sa Sangguniang Barangay ng Pulong Yantok, sa pangunguna ni Kapitan Renato San Pedro, sa kanilang pakikiisa at suporta sa matagumpay na pagpapatupad ng programa.
.png)
Comentarios