Pormal nang binuksan ang unang Cong. Pleyto Cup 2024 District Championship para sa Basketball at Volleyball League sa ating bayan. Ang pagbubukas ay pinangunahan ni Mayor Jowar Bautista na nagpahayag ng kanyang kagalakan sa pagpili sa ating bayan bilang venue ng prestihiyosong palaro. "Atin po ang karangalan, atin pong kinagagalak na dito gaganapin ang unang Cong. Pleyto Cup 2024 kahit po maliit ang aming bayan ay dito po napiling ganapin ang palarong ito. Sa lahat ng manlalaro hindi lang pagkapanalo ang kinakailangan dito, dapat ipagmalaki niyo kung ano ang nirerepresenta niyo - ang inyong bayan, ang inyong barangay upang sa gayon ay makilala nang mabuti ang inyong bayan o barangay,"-Mayor Jowar Bautista.
Ang torneo ay binubuo ng mga nagwaging koponan mula sa iba't ibang bayan sa ika-anim na distrito. Layunin ng programa na magbigay kasiyahan at mapalakas ang kakayahan ng kabataan sa larangan ng sports.
Ang kasiyahan sa palaro ay nadagdagan pa sa presensya ng ilang kilalang PBA at volleyball players tulad nina Scottie Thompson, Robert Bollick, Baser Amer, Eya Laure, Jheck Dionela, at Jacqueline Acuña na nagbigay inspirasyon sa mga manlalaro.
Ang programa ay pinangunahan ni Cong. Salvador Pleyto, kasama ang ating Punong Bayan Reynante S. Bautista, Pangalawang Punong Bayan na si Arvin Agustin, at mga miyembro ng Sangguniang Bayan. Nakiisa rin sa seremonya sina Engr. Emer Clemente, kinatawan ng Punong Bayan ng Sta. Maria, Bokal Art Legaspi, Kon. Badong Pleyto, at ilang kapitan at SK Chairman mula sa ika-anim na distrito.
.png)
Comments